IRSE-EBIk nazioarteko jardueren batzorde bat sortu du atzerriko erakundeekin lankidetza-hitzarmenak eta proiektuak zabaltzeko eta sakontzeko
IRSE-EBIk Nazioarteko Jardueren Batzordea sortu du, berriki parte hartu duen foroetan ezarritako harremanak garatu, mantendu eta zabaltzeko. Horrela, erakundearen jarduera-eremu guztietan baterako proiektuetan, prestakuntzan, kongresuen antolaketan eta abarretan egon daitezkeen lankidetza-hitzarmenak aztertuko dira.
Era berean, IRSE-EBIk burutu dezakeen nazioarteko proiektu diruz lagungarriak garatzeko aukerak aztertuko ditu, bere ohiko lan- eta kudeaketa-arloetan edo lan-ildo berrietan.
Batzorde hau azken urteotan modu intuitiboan, programatu gabe, garatu den lan baten emaitza da. Lan horri esker, IRSE-EBIk nazioarteko eta estatuko zenbait harreman garatu eta zaindu ditu atzerriko gobernu-erakundeekin edo beste elkarte batzuekin.
Horren adibide dira 2019ko maiatza eta ekaina bitartean Bilbon izandako jardunaldi arrakastatsuak, PROVICTIMS proiektuaren Workshop-arekin. Proiektu horretan, IRSE-EBIk elkarlanean jardun zuen Associaçao Portuguesa de Apoio à Vítima (APAV) erakundearekin eta Irlanda, Italia eta Kroaziako biktimei laguntzeko beste hiru elkarterekin (IRSE-EBIren lau ponentziarekin: Bikitmari Laguntzeko Zerbitzua (BLZ), Justizia Errestauratibo Zerbitzua (JEZ), IRSE-EBI eta ondorioak). IRSE-EBIk ere presentzia nabarmena izan du Justizia Errestauratiboaren Europar Foroaren Sinposioan (“la Mirada del otro” antzezlanaren babesa, haren antolaketan lankidetza zabala, sinposioaren osoko bilkuran hitzaldi bat, emandako lau elkarrizketetan moderatzaileak, eta horietako batean erabateko protagonismoa).
Beraz, esan dezakegu erakundeak azken urteotan nazioartean lekua egiteko eta maila horretan lan egin eta lagundu ahal izateko egin duen ahalegina fruituak ematen hasia dela, eta ondorioz, IRSE-EBI nazioarteko eta estatuko erreferentziazko erakunde gisa ikusten hasi dela. Nabarmentzekoa da IRSE-EBI eta Enlace Federazioak sinatu duten hitzarmena, eta Europako bigarren proiektu batean parte hartu dela APAV-WithYou-rekin.
Ondoriozta daiteke jarduera-ildo berri bat irekitzen ari dela, gero eta garrantzi handiagoa hartzen ari dena, eta beharrezkoa dela modu egituratu eta planifikatuagoan indartzea, ahaleginaren errendimendu orekatua lortzeko bide bakar gisa (hala ere, IRSE-EBIk dituen giza baliabideen mugak aitortuta). Helburua da IRSE-EBIk nazioartean presentzia handiagoa izan dezan lortzea, aipatutako potentziala aprobetxatuz, eta proiekzio hori, ahal den neurrian, IRSE-EBIren finantzaketan ere lagunduko duten proiektuak garatuz bideratzea. Horregatik guztiagatik sortu da Nazioarteko Jardueren Batzorde hau, eta bere jardueren berri emango du IRSE-EBIren webgunearen bidez, bai eta sare sozialetako ohiko bitartekoen bidez ere, lagundu nahi duten pertsona guztiei informazioa emateko eta parte hartzera gonbidatzeko.
